पुणे, दि. 28, ऑगस्ट - पुणे-नाशिक महामार्गावर नारायणगावजवळ एसटी व टेम्पोचा भीषण अपघात होऊन नऊ जणांचा मृत्यू झाला असून 9 जण गंभीर जखमी आहे. हा अपघात आज रात्री (दि. 28) दीड वाजण्याच्या सुमारास झाला. दरम्यान जखमी व मयतांचा आकडा वाढण्याची शक्यता असल्याचे पोलिसांनी सांगितले.ञ्यंबकेश्‍वर(नाशिक) - पुणे (एम.एच. 14 बी.टी.4351) ही एस.टी. बस ञ्यंबकेश्‍वर नाशिकवरून काल रात्री (दि. 27) नऊ वाजता निघाली होती. आज रात्री दीडच्या सुमारास ही बस नारायणगाव जवळ पुणे-नाशिक महामार्गावरील एक टेम्पो रस्त्यात टायर बदलण्यासाठी उभा असताना पाठीमागून भरधाव धडकल्याने भीषण अपघात झाला. यामध्ये नऊ जण मृत्यूमुखी पडले असून सात जण गंभीर जखमी आहे. या बसमध्ये एकूण 27 प्रवासी होते.जखमींना आळेफाटा जवळील रुग्णालयात उपचारासाठी दाखल करण्यात आले असून मयतांची ओळख पटविण्याचे काम सुरू आहे.
