रत्नागिरीच्या क्षत्रिय मराठा मंडळाचा दहावा वर्धापन दिन 24 सप्टेंबरला

रत्नागिरी, दि. 23, ऑगस्ट - येथील क्षत्रिय मराठा मंडळाचा दहावा वर्धापनदिन आणि कुलस्वामिनी माता श्रीतुळजा भवानीची पूजा नवरात्रोत्सवातील  चौथ्या माळेला येत्या 24 सप्टेंबर रोजी होणार आहे.
यावेळी मराठा समाजातील नव्वद वर्षे पूर्ण केलेल्या रत्नागिरी तालुक्यातील ज्येष्ठ व्यक्तींचा सत्कार करण्यात येणार आहे. त्याकरिता अशा ज्येष्ठांची माहिती  मंडळाच्या कार्यालयात सादर करावी. तसेच गेल्या शैक्षणिक वर्षातील पाचवी ते आठवीत विशेष गुणवत्ता मिळविणार्‍या विद्यार्थ्यांची तसेच विशेष प्रावीण्य  मिळविणार्‍यांची माहिती देण्याचे आवाहन करण्यात आले आहे. ही माहिती 14 सप्टेंबरपर्यंत मंडळाच्या रत्नागिरीतील कार्यालयात आणून द्यावीत, असे सूचित  करण्यात आले आहे.