शेतकरी संपामागील छुप्या शक्ती चवताळून उघडपणे मैदानात
लोकशाही मार्गाने आंदोलन करुनही यश येत नसल्याने शिवाय सरकारकडून फसवणूकच होत असल्यानं छावा संघटनेने या आंदोलनात उडी घेण्याचा निर्णय घेतला आहे अशी माहिती छावा संघटनेचे केंद्रीय अध्यक्ष नानासाहेब जावळे यांनी पत्रकार परिषदेत दिली. लहान, मोठा, कोरडवाहू, बागायती असा भेद न करता संपूर्ण कर्जमाफी झाली पाहिजे. त्यासाठी शेतकरी रस्त्यावर उतरला आहे. शेतकरी सरणावर जाण्याची वाट सरकार पहात आहे. आता आम्ही शेतक-यांचे हात मजबूत करु, आंदोलन यशस्वी करण्यासाठी सर्व शक्तीने प्रयत्न करु, उद्यापासूनच आमची आंदोलने सुरु होतील, शेतक-यांसाठी छावे छातीवर गोळ्याही झेलायला तयार असल्याचेही जावळे यांनी सांगितले. यावेळी विजयकुमार घाडगे, सोनेराव शिंदे, संजय राठोड, राजकुमार गुंजरगे, आकाश पाटील, बाळासाहेब सपाटे, बालाजी निकम, भगवान माकणे आणि इतर कार्यकर्ते उपस्थित होते. शेतकर्यांच्या प्रश्‍नापेक्षा सरकारला कोंडीत पकडण्यातच काही संघटनांना स्वारस्य असल्याचे स्पष्ट झाले. यासाठी आक्रमक पवित्रा घेवून हे अंदोलन चिघळविण्याचा प्रयत्न आता या संघटना उघडपणे करीत आहेत.या संघटनांच्या अशा उन्मादामुळं शेतक-यांच्या मालाचे मात्र अदयाप किती दिवस नुकसान होणार आहे हा प्रश्‍न आहे .
