श्रीलंका दौर्‍यापूर्वी नव्या प्रशिक्षकाची नियुक्ती : राजीव शुक्ला
कर्णधार आणि प्रशिक्षक या वादाला कंटाळून काल अनिल कुंबळे यांनी आपल्या पदाचा राजीनामा दिला. त्यामुळे विंडिज दौ-यावर गेलेल्या भारतीय संघाला सध्या मुख्य प्रशिक्षकच नसल्याचे चित्र आहे. परंतु, श्रीलंका दौ-यापूर्वी भारतीय संघाला मुख्य प्रशिक्षक मिळेल, असे शुक्ला यांनी मंडळाच्या वतीने सांगितले.
भारतीय क्रिकेट मंडळाच्या अधिका-यांनी कोहली आणि कुंबळे यांच्यातील वाद शमवण्याचे सर्वतोपरी प्रयत्न केले, मात्र त्याचा काहीच उपयोग झाला नाही. त्यामुळे कुंबळे यांनी पायउतार होण्याचा निर्णय घेतला, असेही शुक्ला यांनी नमूद केले.
