कर्जमाफीच्या मुद्दयावर मुख्यमंत्री आणि शरद पवारांची दिल्लीत बैठक
एकीकडे राष्ट्रपतीपदाचा निवडणूक अर्ज भरण्याची आज लगबग सुरु असताना दुसरीकडे मुख्यमंत्री आणि शरद पवार यांच्यातील ही भेट महत्त्वाची मानण्यात येत आहे. मागील अनेक महिन्यांपासून शेतकर्‍यांच्या कर्जमाफीसंदर्भात राज्यात आंदोलनं सुरु आहेत. यावरुन पवारांनीही सरकारवर वारंवार निशाणा साधला आहे. त्यामुळे आज या बैठकीत नेमकी काय चर्चा होणार? याकडेच आता सगळ्याचं लक्ष लागून राहिलं आहे. दरम्यान, दिल्लीतील 6 जनपथवर शरद पवारांच्या घरीच ही बैठक पार पडणार आहे. दरम्यान याआधी राष्ट्रवादीची एक अंतर्गत बैठक होणार असून त्यासाठी दिलीप वळसे पाटील, जयंत पाटील, धनंजय मुंडेही हजर आहेत.
