कालका मेल अपघातप्रकरणी करण्यात आलेल्या कारवाईवर न्यायालय समाधानी
कालका मेलला झालेल्या अपघातात 80 जणांचा मृत्यू झाला होता आणि सुमारे 200 जण जखमी झाले होते. या अपघाताचा तपास लखनौ विभागाचे मुख्य सुरक्षा आयुक्तांनी केला होता. या अपघाताला कारणीभूत असलेल्यांविरोधात कठोर कारवाई करण्यात आली असून असे अपघात रोखण्यासाठी आवश्यक ती पावले उचलली जात आहेत, असे रेल्वेच्यावतीने न्यायालयात सांगण्यात आले. वकील भारती कश्यप यांनी या अपघातास कारणीभूत असलेल्यांविरोधात योग्य कारवाई होण्यासाठी जनहित याचिका दाखल केली होती. या याचिकेच्या सुनावणीदरम्यान यासंदर्भातील अहवाल सादर करण्याचे आदेश न्यायालयाने दिले होते.
