बुलडाणा, दि. 04 - संपुर्ण भारत हा पोलीओ मुक्त व्हावा यासाठी दरवर्षी भारत सरकार वर्षातुन दोन वेळेस 29 जानेवारी व 2 एप्रिलला पल्स पोलीओ अभियान राबविण्यात येते. या वर्षी सुध्दा पल्स पोलीओ मोहिम राबविण्यात आली. स्थानिक अण्णाभाऊ साठे नगर मधील अंगनवाडी क्र.191 मध्ये हि मोहिम राबविण्यात आली. यावेळेस ग्रामीण रुग्णालयाचे आरोग्य से.डॉ.काळे, निलेश जाधव, गुंजकर, रुपाली सपकाळ, ए.एन.एम.आरती गायकवाड, तसेच अंगणवाडी सेविका सुरेखा गायकवाड यांनी 0 ते 5 वर्ष वयोगटातील सर्व बालकांना पल्स पोलीओ डोस दिले. सदर मोहिमेस वार्डात उत्तम प्रतिसाद भेटला. यावेळी जवळपास 200 लाभार्थ्यांना डोस देण्यात आला.
