अवैध दारुसाठ्यावर पोलीसांची धाड

एका आरोपीस अटक; बिअर बार मालक फरार

बुलडाणा, दि. 04 - स्थानिक चिखली रोड वरील आनंद नगरातील एक घरातून अवैधरित्या देशी, विदेशी दारु चा साठा करुन विकणार्‍या आरोपी विरुध्द आज 3 एप्रिल रोजी पोलीसांनी कारवाई करत आरोपीस अटक केली. बुलढाणा डि.बी.पोलिस पथकांनी सदर कारवाई करीत मारून 34 हजार 800 रूपयाचा विदेशी दारू पकड़ली आहे यामध्ये एक आरोपी अटक केले असून बियर-बार मालक सध्या फरार आहे.
मा. सुप्रीम कोर्टाच्या आदेशाने 1 एप्रिल रोजी राज्य व नॅशनल मार्ग जवळील 500 मिटरच्या सर्व देशी दारुचे, बिअर-बार बंद करण्यात आले आहे. हेच दारू दुकानदार अवैध दारू विकन्यासाठी शक्कल लढवत आहे. स्थानिक राज्य महामार्ग चिखली रोड वरील मधुबन बिअर-बार मालकांनी अवैध इंग्रजी दारू आनंद नगरामधील घरात ठेवले होते यांची माहिती बुलढाणा शहर पोलिस स्टेशनचे ऊइ पथकाला मिळाल्याने 2 एप्रिल रविवारच्या रात्री 10:30 वाजता आनंद नगर मध्ये छापा टाकला असता तेथे बड़वायझर बिअर 3 बॉक्स-खुले 17 नग ऐकून 36 नग, बड़वायझर मार्बल बिअर 1 बॉक्स-12 नग,कालर्स बर्ग बिअर 3 बॉक्स-36 नग, कॅनॉन बिअर 1 बोक्स-12 नग, मुंबई ओड़का 180 मिली-42 नग, ब्लग डॉग 180 मिली-10 नग सिंगल माल्ट1 नग असा एकूण 34 हजार 800 रूपयाचा इग्रजी दारू हस्तगत करण्यात आली.  आरोपी अश्‍विन इगळे याला ताब्यात घेतले असून मधुबन बार मालक संदीप इगळे हा आरोपी फरार आहे प्रकरणी पोलिसांनी गुन्हे दाखल केले आहे.