रेन वॉटर हार्वेस्टिंगच्या माध्यमातून जल-चळवळ उभारणार - आ. मेधा कुलकर्णी
यावेळी बोलताना आमदार म्हणाल्या, पाण्याची समस्या ही दर वर्षी उन्हाळ्यात आपल्याला भेडसावते, आज आपण पाणी मुरवले तर आपल्या पुढच्या पिढ्यांच्या पाण्याची तरतूद आपल्याकडून होईल. नैसर्गिक पाणी स्त्रोत ह्या पद्धतीने जपले पाहिजेत. चंद्रलोकनगरीने पाणी जमिनीत साठवले तर आजूबाजूच्या सोसायट्यांनाही त्याचा फायदा होईल. ही जल चळवळ मोठ्या प्रमाणावर मला निर्माण करायची आहे. त्यात तुम्ही सहभागी झालात, आता तुम्ही तुमच्या आजूबाजूच्या सोसायट्यांना ह्यात सहभागी करून घ्या. हे केल्यामुळे आपल्या जमिनीतील पाण्याची फक्त पातळीच वाढेल असे नाही तर ते पाणी भविष्यात पिण्यायोग्याही होईल. तेंव्हा व्यापक समाज हीत डोळ्यापुढे ठेऊन आपण सर्व मिळून पुणे शहराचा पाणी प्रश्‍न सोडवूया.
यावेळी चंद्रलोकनगरी सोसायटीचे अध्यक्ष श्री नातू व सचिव श्री. पाठक, श्री. मिहीर प्रभुदेसाई, भाजपाचे प्रभाग अध्यक्ष श्री. सचिन फोलाने, हा प्रकल्प उभा करणारे आर्किटेक्ट मंदार घाटे व आर्किटेक्ट अरविंद दांडेकर उपस्थित होते.
