फ्रान्स राष्ट्राध्यक्षाच्या निवडणुकीत मॅकरॉन आणि पेन यांच्यासाठी फेर मतदान
राष्ट्राध्यक्षांच्या निवडीसाठी रविवारी मतदान झालं. यावेळी मतदारांकडे एकूण 11 उमेदवारांचा पर्याय होता. यात फ्रेंच टीव्हीनुसार, मॅकरॉन यांना 23.7 टक्के मतं मिळाली. तर ल पेन यांना 21.7 टक्के मतं मिळाली. मतदानापूर्वी झालेल्या सर्वेक्षणानुसार, मॅकरॉन आणि पेन यांना दि रिपब्लिकन्सचे फ्रांस्वा फियो आणि ला फ्रान्स इनसोमाइसचे जा लुक मेलशो हे कडवी झुंज देतील, असं सांगण्यात आलं होतं. पण हे अंदाज खोटे ठरवत मॅकरॉन आणि पेन यांच्यात मुख्य लढत होत आहे. पहिल्या फेरीत कुणालाही बहुमत न मिळाल्याने फ्रान्सच्या कायद्यानुसार 7 मे रोजी पुन्हा मतदान होणार आहे.
