उदयनराजे भाजपमध्ये आले तर आनंदच : चंद्रकांत पाटील
राष्ट्रवादी काँग्रेसचे सातार्‍याचे खासदार उदयनराजे भोसले त्यांच्या बेधडक विधानासाठी ओळखले जातात. अनेक वेळा त्यांनी पक्षाच्याविरोधातही भूमिका घेतली आहे. त्याच पार्श्‍वभूमीवर सातार्‍यातील शेंद्रे इथल्या कार्यक्रमात शरद पवारांनी नाव घेता उदयनराजेंवर टीका केली होती. पक्षाच्या मुळावर उठणार्‍यांना बाजूला करा, असं पवार म्हणाले होते.
सातार्‍यातील अनेक नेते भाजपच्या संपर्कात आहेत. माजी आमदार भाऊसाहेब मुणग यांच्या मुलाने मुख्यमंत्र्यांच्या उपस्थितीत भाजपमध्ये प्रवेश केला. अजूनही मोठी रांग आहे, असा दावाही पाटील यांनी केला. त्यामुळे चंद्रकांत पाटील यांच्या विधानावर उदयनराजे काय प्रतिक्रिया देणार याकडे सगळ्यांच लक्ष लागलं आहे. दरम्यान, मतांचं विभाजन टाळण्यासाठी भाजप पश्‍चिम महाराष्ट्रात समविचारी पक्षांना एकत्र घेऊन जिल्हा परिषद, पंचायत समितीच्या निवडणुका लढणार असल्याचं चंद्रकांत पाटील यांनी सांगितलं.
