शिर्डीत साईभक्ताकडून 30 किलो चांदीचे सिंहासन दान
30 किलो वजनाच्या या सिंहासनाची किंमत 18 लाख रुपये असल्याचे सांगितले जाते आहे. हे सिंहासन शिर्डीतील साईबाबांच्या चावडी मंदिरात ठेवण्यात येणार असून त्यावर साईंची प्रतिमा ठेवणार असल्याची माहिती साई मंदिर संस्थानाने दिली आहे. दिवाळीच्या निमित्ताने देशभरातून लाखो भाविकांनी शिर्डीत हजेरी लावली होती. या भाविकांकडून बाबांना वेगवेगळ्या वस्तू भेट म्हणून देण्यात आल्या आहेत.
