परभणी, दि. 24 - स्वच्छ शहर सुंदर प्रभाग या संकल्पनेतुन मनपा सदस्य शिवाजी भरोसे यांनी आपल्या वार्डात दि.23 ऑक्टोबर रोजी 2000 डस्टबिनचे मोफत वाटप केले असुन शिवाजी भरोसे यांच्या या सामाजिक उपक्रमा बद्दल सर्व सामान्य जनते कडुन कौतुक होतांना दिसुन येत आहे.गजानन नगर, गोकुळ नगर, मथुरा नगर, राजेंद्रगीरी नगर येथे प्राथमिक स्वरूपात महिलांना डस्टबिनचे वाटप करण्यात आले होते.या उपक्रमास प्रभागातील महिलांनी प्रचंड प्रतिसाद दिल्यामुळे हा उपक्रम मोठ्या प्रमाणावर राबवला असे शिवाजी भरोसे यांनी आमच्या प्रतिनिधीला माहिती देतांना सांगीतले. प्रभागातील घरा घरात डस्टबिन देवुन घरातील कचरा उघड्यावर न टाकता या डस्टबिन मध्ये टाकावा व नंतर आपल्या दारात आलेल्या घंटा गाडीत द्यावा असे आवाहनही त्यांनी यावेळी केले.डस्टबिनच्या या वाटप प्रसंगी अॅड.विजय मुंढे, कैलास लोणसणेे,व्यंकटेश वाघ,कल्याण दळवी,श्रीधर कोके, प्रविण गायकवाड,कृष्णा शिंदे,अमोल धानुरकर,अक्षय बेंंडे आदिंनी परिश्रम घेतले.
