सर अहमदखान यांनी मुस्लिम समाजातील अनेक अनिष्ठ प्रथा बंद केल्या ः शहा निजाम
मुकुंदनगर येथील ज्येष्ठ नागरिक संघाच्यावतीने यांच्या 199 वी जयंती निमित्त मुकुंदनगर येथील दरबार चौक येथे भव्य कार्यक्रमाचे आयोजन करण्यात आले होते. प्रमुख पाहुणे मखदुम सोसायटीचे अध्यक्ष आबीद दुलेखान, नगरसेवक फय्याज शेख, नसिम खान, माजी नगरसेवक शेख खानसाहब, शेख रऊफ, शेख बिलाल अहेमद, शेख अजिज, गोटू जहागिरदार आदि मान्यवर उपस्थित होते.
शहा निजाम पुढे म्हणाले की, सर सय्यद यांनी भारतीय मुस्लिम समाजातील अनेक अनिष्ठ प्रथांवर हल्ला चढवला. आपल्या मतांच्या प्रसारासाठी त्यांनी 1870 मध्ये तहेजिबुल अखलाक या उर्दू नियतकालिकाची सुरुवात केली. 1888 मध्ये त्यांना सर या पदवीने सन्मानित करण्यात आले.अशा या थोर समाजसुधारकाचे 27 मार्च 1898 रोजी वयाच्या 80 व्यावर्षी निधन झाले.
आबीद खान यांनी आपले विचार व्यक्त करताना सांगितले की, सर सय्यद खान हे 19 व्या शतकातील एक भारतीय शिक्षणतज्ञ आणि समाजसुधारक होते. भारतातील मुस्लिम समाजामध्ये इंग्रजी शिक्षणाचा प्रसार करुन त्यांचा समाजिक विकास साधण्यात त्यांचे योगदान महत्वाचे मानले जाते. कार्यक्रमाचे सूत्रसंचालन इस्माईल हबीदखाँ यांनी केले तर आभार शेख अब्दुल सईल यांनी मानले. कार्यक्रम यशस्वीतेसाठी शेख गुलाब, हमीद बाबुभाई, हबीद पेंटर, युसूफ सर, नवेद मिर्झा, शौकत बाबा, शकिल वस्ताद व सर्व पदाधिकारी व सदस्यांनी परिश्रम घेतले.
