वाई तालुक्यातील मेंढपाळांकडून हरणाच्या दोन पाडसांना जीवदान
पावसाचे प्रमाण जास्त असल्याने सगळीकडे चिखल, पाणी झाले होते. यावेळी सायंकाळी सहा वाजता चिखलात तडफडत असलेली हरणाची दोन पाडसे दादा कचरे व बरमा कचरे या दोघांना आढळून आली. त्यांनी त्या पाडसांना उचलून आपल्या घरी आणले. त्यांना शेकोटीची ऊब देऊन शेळीचे दूध पाजले. त्यानंतर बुधवारी वाई वनविभागाचे अधिकारी पी. डी. बुधनवर, वनरक्षक सुरेश सूर्यवंशी, वनपाल बी. एस. खुडे यांच्याकडे त्या दोन्ही पाडसांना सुपूर्त करण्यात आले. यावेळी दादा कचरे, सोमा कचरे, अनिकेत तांबे, विशाल घोलप उपस्थित होते. दोन्ही पाडसांना कात्रज येथे प्राणी संग्रहालयात पाठविण्यात आले आहे.
