भारताच्या ज्युनिअर हॉकी संघाने पाकिस्तानला लोळवले

ढाका, दि. 30 - भारताच्या ज्युनियर हॉकी संघाने बांगलादेशच्या भूमीवर पाकिस्तानला लोळवलें आहे. अंडर एटीन आशिया चषकाच्या अंतिम फेरीत भारतीय  संघाने धडक मारली आहे.
भारतीय जवानांनी पाकव्याप्त काश्मिरमध्ये घुसून दहशतवाद्यांविरोधात केलेल्या यशस्वी कारवाईच्या पार्श्‍वभूमीवर देशात राष्ट्राभिमानाचे वातावरण निर्माण झालें आहे.  त्याचवेळी भारताच्या ज्युनियर हॉकीपटूंनी पाकिस्तानला हरवून गाजवलेल्या पराक्रमाने देशवासियांचा आनंद द्विगुणित झाला आहे. अठरा वर्षांखालील वयोगटाच्या  आशिया चषक हॉकीच्या उपांत्य फेरीत भारताने पाकिस्तानववर 3-1 अशी मात केली आणि अंतिम फेरीत धडक मारली. अठरा वर्षांखालील वयोगटाच्या या  आशिया चषक हॉकीचे आयोजन बांगलादेशातल्या ढाक्यात करण्यात आलेे आहे.