काँग्रेसच्यावतीने केंद्र सरकारचा निषेध
यावेळी काँग्रेसचे शहर जिल्हाध्यक्ष दीप चव्हाण, गौरव ढोणे, आर.आर.पिल्ले, शाम वाघस्कर, रिजवान शेख, दानिश शेख, फैय्याज शेख, बाळासाहेब भंडारी, सुमित बनसोडे, नलिनी गायकवाड, जाहिरा शेख, सुनिता बागडे आदी उपस्थित होते.
काँग्रसेन दिलेल्या निवेदनात म्हंटले आहे की, पंतप्रधान नरेंद्र मोदी यांच्या नेतृत्वाखालील सरकारला दि.26 मे रोजी सत्तेत येऊन दोन वर्षे पुर्ण झाली. लोकसभा निवडणूकीच्या काळात भारतीय जनता पक्षाने अनेक आश्‍वासने दिली होती. त्यातील प्रमुख आश्‍वासने अजुनही पुर्ण झालेली नाहीत. सत्तेत आल्यावर 100 दिवसात विदेशातील काळा पैसा परत आणून प्रत्येक नागरीकाच्या खात्यात 15 लाख रुपये जमा करण्याची घोषणा करण्यात आली होती. शेतीमालाला उत्पादन खर्चाच्या 50 टक्के नफा मिळेल इतका भाव देण्याचे आश्‍वासन देण्यात आले होते. महागाई कमी करुन जीवनावश्यक वस्तुंच्या किंमतीत नियंत्रणात ठेवण्यात येतील असेही आश्‍वासन देण्यात आले होते. परंतु मागील दोन वर्षात यातील एकही आश्‍वासन पूर्ण झालेले नाही किंवा ती आश्‍वासने पूर्ण करण्याच्या दृष्टीने विश्‍वासआहर्ता पाऊलं पडताना दिसत नाहीत. उलपक्षी या सरकारच्या कार्यकाळात एपीएलला स्वस्त धान्य देण्याकरिता सरकारकडून दिले जाणारे अंशदान बंद करण्यात आले. इंदिरा आवासा योजना बंद करण्यात आली, महिला, दलित, अपंग, अल्पसंख्याक अशज्ञा विविध घटकांसाठी असलेल्या योजनांध्ये कपात करण्यात आली आहे.
