अंगणवाडीच्या पोषण आहारात अळ्या
अंगणवाडी सेविकेला विचारल्यानंतर सुरवातीलाच उद्धट उत्तरे त्यांनी दिल्याचा आरोप पालकांनी केला. संतप्त पालकांनी पर्यवेक्षिकेला बोलावले. त्यानंतर महिला बालविकास अधिकारी कमल इंगळे यांनी घटनास्थळी भेट देऊन पोह्यांचे नमुने घेतले. आहाराचे नमुने प्रयोगशाळेला पाठवून योग्य कारवाई करण्यात येईल; मात्र तुम्ही हे प्रकरण मिटवून घ्या, माध्यम प्रतिनिधींना बोलावू नका अशी भूमिका घेतल्याचे काही पालकांचे म्हणणे आहे.
येथील नागरिकांच्या म्हणण्यानुसार येथे प्रत्येक दिवशी मिळणार्या आहारात नीटनेटकेपणा नसतो. निकृष्ट पद्धतीचा आहार पुरवला जातो.
आंबेडकरनगरामध्ये मोलमजुरी करून उपजीविका भागवणारे सत्तर टक्केपेक्षा अधिक नागरिक आहेत. सकाळीच आई-वडील कामावर निघून जातात. त्यांच्या माघारी मुलांना निकृष्ट भोजन मिळत असेल याची कल्पना नव्हती, असे पालकांनी बोलून दाखवले.
महिला बालक विकास प्रकल्प अधिकारी हर्षा देशमुख यांचे मत जाणून घेण्यासाठी त्यांना अनेकदा मोबाईलद्वारे संपर्क साधण्याचा प्रयत्न केला, मात्र त्यांचा फोन बंद होता. त्यामुळे या प्रकरणात काय कारवाई करणार हे समजू शकले नाही.
