विनाअनुदानित सिलिंडर 21 रुपयांनी महाग
विनाअनुदानित सिलिंडर 21 रुपयांनी महाग झाल्याने नवी दिल्लीत सिलिंडरसाठी 548.50 रुपये मोजावे लागणार आहेत. शिवाय, जेट इंधनाच्या किंमतीतदेखील 9.2 टक्क्यांनी वाढ झाली आहे.
पेट्रोलच्या दरात मंगळवारी मध्यरात्रीपासून लिटरमागे 2.58 रुपये; तर डिझेलच्या दरात लिटरमागे 2.26 रुपये वाढ करण्यात आली. यानुसार दिल्लीत पेट्रोलचा दर 65.60 रुपये प्रतिलिटर; तर डिझेलचा दर 53.93 रुपये प्रतिलिटर असेल, असे इंडियन ऑइल कॉर्पोरेशनकडून (आयओसी) जाहीर करण्यात आले आहे.
