काकासाहेब म्हस्के पुरस्काराचे येत्या रविवारी वितरण : म्हस्के

 अहमदनगर । प्रतिनिधी । 12 -  माजी आ.कै.कि.बा.म्हस्के पुरस्कार बद्रीनाथ महाराज तनपुरे, डॉ. गजानन एकबोटे, डॉ.एम.एच.परांजपे, डॉ.भी.ना. दहातोंडे, व बंटी गुंजाळ यांना जाहिर झाला आहे. पुरस्काराची घोषणा काकासाहेब म्हस्के शैक्षणिक संकुलाचे कार्यकारी विश्‍वस्त डॉ.सुभाष म्हस्के यांनी रविवारी केली.

काकासाहेब म्हस्के शैक्षणिक संकुलाच्या वतीने दरवर्षी माजी आ. कै.की.बा. उर्फ काकासाहेब म्हस्के यांच्या पुण्यतिथी निमित्त (दि.14) विविध क्षेत्रात कार्य करणार्‍यांना विविध पुरस्कारांनी सन्मानित करण्यात येते. यावर्षी कै.म्हस्के यांच्या 35 व्या पुण्यतिथीदिनी रविवार दि. 17 रोजी या पुरस्काराचे वितरण करण्यात येणार आहे. हा कार्यक्रम नागापूर येथील म्हस्के शैक्षणिक संकुलात सकाळी 11 वा. होणार आहे. पुरस्कार वितरण  आ. विजय औटी, माजी केंद्रीयमंत्री जयसिंगराव गायकवाड यांच्या हस्ते करण्यात येणार आहे. अध्यक्षस्थानी खा. दिलीप गांधी ही उपस्थित राहणार आहे. 

यावर्षी समाजभुषण पुरस्कार तनपुरे, शिक्षण भुषण डॉ.एकबोटे, आरोग्यभुषण डॉ.परांपजे, साहित्यभुषण डॉ.दहातोंडे व विकासभुषण दैठणेुगुंजाळचे माजी सरपंच बंटी गुंजाळ यांना देण्यात येणार आहे. कार्यक्रम यशस्वीतेसाठी प्राचार्य नितीन ठुबे, प्राचार्य अजप्पा चवरदास, अ‍ॅड. सुभाष भोर, आदी प्रयत्नशील आहेत.