बोहरा स्कूलमध्ये वार्षिक विज्ञान प्रदर्शन

 पारोळा/प्रतिनिधी। 9 - येथील बोहरा सेंट्रल स्कूलमध्ये वार्षिक विज्ञान प्रदर्शन भरविण्यात आले होते. यात पहिली ते अकरावीच्या सर्व विद्यार्थ्यांनी सहभाग नोंदविला.

संस्थेचे अध्यक्ष सुरेंद्र बोहरा, प्राचार्य नारायण राव, नवोदय विद्यालय (भुसावळ), प्राचार्य श्रीकुमार एम., केंद्रीय विद्यालय (जळगाव) यांनी विज्ञान प्रदर्शनाचे उद्घाटन केले. प्रदर्शनाचे परीक्षक म्हणून डॉ.चंद्रशेखर पाटील, डॉ.अजय पाटील व प्रा.नरेश पवार यांनी परिश्रम घेतले.

विज्ञान प्रदर्शनात शाळेच्या विद्यार्थ्यांनी आरोग्य, पर्यावरण, जीवनपद्धती, दळणवळण व माहिती संप्रेषण या विषयांना अनुसरून पाण्याचे नियोजन, ग्लोबल वॉर्मिंग, सोलर सिटी, स्मार्ट सिटी, घनकचरा व्यवस्थापन, प्रदूषण नियंत्रण, वाहतूक नियंत्रण यांचे मॉडेल सादर केले. डॉ.अब्दुल कलाम यांच्या जीवनावर आधारित चित्र प्रदर्शनाचे मान्यवरांनी कौतुक केले. सर्व विद्यार्थ्यांचे व विज्ञान प्रदर्शनाचे, पर्यवेक्षक रामचंद्र मोहंती यांचे संस्थेचे चेअरमन सुरेंद्र बोहरा, प्रिन्सिपल थॉमस यांनी कौतुक केले.