विहिरीवर घसरून महिलेचा मृत्यू

संगमनेर / प्रतिनिधी


विहिरीवर पाणी आणण्यासाठी गेलेल्या विवाहितेचा पाय घसरुन विहिरीत पडल्याने तिचा दुर्दवी मृत्यू झाला. तालुक्याच्या पठार भागातील वरुडी पठार येथे ही घटना घडली. वर्षा विनोद जाधव [वय : २७ रा. वरुडी पठार] असे मयत विवाहितेचे नाव आहे. वर्षा जाधव ही विवाहित महिला आज [दि. १३ ] सकाळी सातच्या सुमारास विहिरीवर पाणी आणण्यासाठी गेली होती. विहिरीतून पाणी ओढत असताना तिचा पाय घसरून ती विहिरीत पडली. तिला पोहता येत नसल्यामुळे तिचा पाण्यात बुडून मृत्यू झाला. याप्रकरणी देण्यात आलेल्या खबरेवरून संगमनेर पोलीस ठाण्यात अकस्मात मृत्यूच्या गुन्ह्याची नोंद करण्यात आली.