क्रिकेटर हरमनप्रीत कौरची डीएसपी पदावरुन हकालपट्टी?

नवीदिल्ली वृत्तसंस्था

भारतीय महिला क्रिकेट संघाची कर्णधार हरमनप्रीत कौरची २०१७ साली पार पडलेल्या महिला विश्वचषकात भारतीय महिला संघातील कामगिरी पाहता, पंजाब सरकारने तिची डीएसपी पदावर नियुक्ती केली होती. मात्र पंजाब पोलिसांनी केलेल्या पडताळणीमध्ये हरमनप्रीतची डिग्री बनावट असल्याचं समोर आल्याने तिची डीएसपी पदावरुन हकालपट्टी करण्यात आलेली आहे .

पंजाब पोलिसांमध्ये दाखल होण्याआधी हरमनप्रीत कौरने पश्चिम रेल्वेची नोकरी सोडली होती. हरमनप्रीतने २०११ साली चौधरी चरणसिंह विद्यापीठातून आपली ग्रॅज्युएशन झाल्याची डिग्री दाखवली होती. मात्र पडताळणीदरम्यान हरमनप्रीतच्या डिग्री प्रमाणपत्रावरचा पटक्रमांक विद्यापीठाच्या नोंदीप्रमाणे जुळत नव्हता.या घटनेनंतर पंजाब पोलिस हरमनप्रीत कौरविरोधात कायदेशीर कारवाई करण्याच्या तयारीत असून, तिला मिळणाऱ्या सरकारी सोयी-सुविधांवरही पाणी सोडावं लागण्याची शक्यता आहे.