उत्तेजक द्रव्य चाचणीत शेहजाद दोषी

उत्तेजक द्रव्य सेवन चाचणीमध्ये पाकिस्तानचा फलंदाज अहमद शेहजाद दोषी आढळला असून पाकिस्तान क्रिकेट बोर्डाने या वृत्तास दुजोरा दिलाआहे. आता अहमद शेहजादची चौकशी केली जाणार असल्याचं पाकिस्तान क्रिकेट बोर्डाने स्पष्ट केलं आहे. आपल्या ट्विटर अकाऊंटवर पाकिस्तान क्रिकेट बोर्डाने यासंदर्भातली माहिती दिली आहे.शेहजादने गेल्या महिन्यात स्कॉटलंडविरुद्ध दोन टी-२० सामने खेळले होते. २६ वर्षीय शेहजादने आतापर्यंत १३ कसोटी आणि ८१ वन-डे सामन्यांमध्ये पाकिस्तानी संघाचं प्रतिनिधीत्व केलं आहे. चौकशी पूर्ण झाल्यानंतर शेहजादवर आरोपांची निश्चीती करुन शिक्षा सुनावण्यात येईल असं पाक क्रिकेट बोर्डाच्या अधिकाऱ्याने स्पष्ट केलं आहे.