सलमान खान पुन्हा अडचणीत

मुंबई - बॉलीवूड अभिनेता सलमान खान त्याच्या फार्महाऊसच्या बांधकामामुळे अडचणीत सापडण्याची चिन्हे दिसू लागली आहेत. राज्याच्या वनविभागाने सलमान खान व त्याच्या कुटुंबातील 5 सदस्यांना नोटीस बजाविली आहे. सलमानचे हे फार्महाऊस रायगड जिल्ह्यातील पनवेलमधील वजापूर येथे आहे.
अनिवासी भारतीयाने दिलेल्या तक्रारीनुसार वन विभागाच्या अधिकार्‍यांनी अभिनेता सलमानचे पिता सलीम खान यांना नोटीस बजाविली आहे. या नोटीसनुसार सलीम खान यांना सात दिवसांत वनविभागाला उत्तर द्यावे लागणार आहे. 21 एप्रिल 2017 मध्ये अर्पिता फार्म्स हे सिमेंटने बांधताना वन अधिनियमांचे उल्लंघन केल्याचे नोटीसमध्ये वनविभागाने म्हटले आहे.