अस्तगावला छोटा पुढारीच्या हस्ते गुणवंताचा सत्कार

सुपा / प्रतिनिधी  
पारनेर तालुक्यातील अस्तगाव येथे बलुतेदार बहुउद्देशीय संघटनेकडून गुणवंत विद्यार्थी गौरव व गरजू विद्यार्थ्यांना शैक्षणिक साहित्य वाटपाचा कार्यक्रम अस्तगाव येथे आयोजित करण्यात आला होता. या कार्यक्रमाच्या अध्यक्षस्थानी बबन कदम होते. मान्यवरांच्या शुभहस्ते भारतरत्न डॉ. बाबासाहेब आंबेडकर, लोकशाहीर अण्णाभाऊ साठे यांच्या प्रतिमांना पुष्पहार अर्पण करण्यात आला. कार्यक्रमाचे प्रास्ताविक मधुकर पठारे यांनी केले.
याप्रसंगी छोटा पुढारी घनश्याम दराडे, यांचेहस्ते गुणवंत विद्यार्थ्यांना पारितोषिक देवून सत्कार करण्यात आला. या प्रसंगी चर्मकार विकास संघाचे प्रदेशाध्यक्ष संजय खामकर, मृत्यंजय गृपचे गणेश काळे, आरपीआय तालुकाध्यक्ष अमित जाधव, ग्रा.पं. सदस्य कानिफ पोपळघट, युवक जिल्हाध्यक्ष सागर भिंगारदिवे, संभाजी काळे, शिवाजी कदम, दिपाली काळे, संदिप चारोळे, कचरु सोनवणे, दादा पठारे, रमेश लोढा, चंद्रकांत खामकर, पाराजी काळे, नंदु मेरे, रमजान शेख आदी मान्यवर यावेळी उपस्थित होते. सर्वांचे आभार संदीप चारोळे यांनी मानले.