एकलव्य आश्रमशाळेत मोफत वह्यांचे वाटप

कोपरगाव शहर प्रतिनिधी 
संजीवनी उद्योग समुहाचे अध्यक्ष बिपीन कोल्हे यांच्या वाढदिवसानिमित्त तालुक्यातील टाकळी येथील आदिवासी एकलव्य आश्रमशाळेत मुलामुलींना मोफत वह्या, कंपास पेटयांचे वाटप करण्यात आले. याप्रसंगी भाजपाचे तालुकाध्यक्ष शरद थोरात उपस्थित होते.

प्रारंभी सरपंच राहुल देवकर यांनी प्रास्तविक केले. सर्वश्री चंद्रभान देवकर, स्वप्नील देवकर, भिमराज देवकर आदी उपस्थित होते. याप्रसंगी बोलतांना थोरात म्हणाले, बिपिन कोल्हे यांनी त्यांचा वाढदिवस सामाजिक उपक्रमाने साजरा केला आहे. दरवर्षी ते होतकरू व गरजू विद्यार्थ्यांना मोफत वहया वाटतात. हा उपक्रम सर्वांना प्रेरणादायी आहे. मुख्याध्यापक टकले यांनी आभार मानले.