विम्बल्डन टेनिस:अंकिता रैना विजयी

नवी दिल्ली : विम्बल्डन टेनिस स्पर्धेमध्ये भारताच्या अंकिता रैनाने स्थानिक खेळाडू मैया लुम्सडेनवर ६-२, ६-१ अशी सरळ सेटमध्ये मात करत पात्रतेच्या पहिल्या फेरीत विजय मिळवला. जागतिक क्रमवारीत २०५व्या स्थानावर असणाऱ्या अंकिताने दुसऱ्या फेरीत प्रवेश केला. या फेरीत तिची लढत रशियाच्या व्हिटलिया डायटचेन्कोशी होईल. व्हिटलिया जागतिक क्रमवारीत १३४व्या स्थानावर आहे. मुख्य फेरीत प्रवेश करण्यासाठी अंकिताला पात्रतेच्या आणखी दोन लढती जिंकाव्या लागणार आहेत. पुरुष दुहेरीतील पात्रतेच्या पहिल्या लढतीत विष्णू वर्धन-एन. श्रीराम बालाजी जोडीने सर्जिओ गाल्डोस-गेराल्ड मेल्झेर जोडीवर ६-३, ६-४ असा विजय मिळवला.