खा. श्रीरंग बारणे यांना संसद रत्न पुरस्कार प्रदान

पुणे - लोकसभेत महाराष्ट्रातील तसेच देशातील विविध विषयांवर संसदेत उपस्थित केलेले प्रश्‍न, सर्वाधिक चर्चेतील सहभाग संसदेमधील उपस्थिती तसेच स्थानिक खासदार विकास निधीचा संपूर्ण वापर, या अष्टपैलू कामगिरीबद्दल श्रीरंग बारणे यांना चेन्नई येथील पंतप्रधान पाँईंट फाऊंडेशनच्या वतीने सलग चौथ्यांदा ‘संसदरत्न’ पुरस्कार प्रदान करण्यात आला. 

केंद्रीय मंत्री अर्जुन मेघवाल, पश्‍चिम बंगालचे माजी राज्यपाल एम.के. नारायणन व माजी मुख्य निवडणूक आयुक्त टी. एस. कृष्णमूर्ती यांच्या हस्ते प्रदान करण्यात आला. खासदाराची संसदेतील क ामगिरी त्यांचा विविध कामामधील सहभाग, उपस्थित केलेल्या प्रश्‍नांची संख्या, खासगी सदस्य विधेयक संख्या, सभागृहातील उपस्थिती यासंदर्भात पी.आर.एस. इंडियाने दिलेल्या आकडेवारीवरून कामगिरीची आढावा घेऊन लोकसभा सचिवालयामार्फत पुरवलेल्या माहितीवरुन याचे मूल्यांकन निवड समिती मार्फत करण्यात येते. त्यानुसार चेन्नई येथील पंतप्रधान पाँईंट फाऊंडेशनच्या वतीने ‘संसद रत्न’ हा पुरस्कार दिला जातो.