भानुदास कोतकरच्या जामीन अर्जावर बुधवारी सुनावणी

अहमदनगर/प्रतिनिधी।
केडगाव दुहेरी हत्याकांडात भानुदास कोतकर याचा सहभाग असल्याचे सीआयडी तपासातही समोर आले आहे. कोतकरच्या जामीन अर्जासंदर्भात सरकारी पक्षाला म्हणणे सादर करण्यास सांगितले आहे. शुक्रवारी सीआयडीने अहवालात हत्याकांड कोतकरचा सहभाग असल्याचे नमुद करण्यात आले आहे. 13 जून रोजी कोतकरच्या जामीन अर्जावर सुनावणी होणार आहे.
दरम्यान, सीआयडीमार्फत सुवर्णा कोतकर यांची चौकशी होण्याची शक्यता आहे. केडगाव येथे 7 एप्रिल रोजी शिवसेनेचे शहर उपप्रमुख संजय कोतकर व वसंत ठुबे यांची गोळया घालून हत्या झाली. या प्रकरणी पोलिसांनी आमदार संग्राम जगताप, भानुदास कोतकर यांच्यासह 10 जणांना अटक केली आहे. न्यायालयीन कोठडी मिळाल्यानंतर कोतकर याने जिल्हा न्यायालयात जामीनीसाठी अर्ज केला आहे. या अर्जावर न्यायालयाने सरकारी पक्षाला म्हणणे सादर करण्याचे आदेश दिले होते. शुक्रवारी सीआयडीने न्यायालयात म्हणणे सादर केले आहे.