केंद्रीयमंत्री जावडेकर यांनी घेतले शनिदर्शन

सोनई प्रतिनिधी

भाजपचे केंद्रीय मानव संसाधन मंत्री प्रकाश जावडेकर यांनी शनिशिंगणापूर दुपारी शनिदेवाचे दर्शन घेतले. यावेळी त्यांनी राजकीय भाष्याला बगल देत देवस्थानचे उपक्रम व योजना याविषयी चर्चा केली. 

अहमदनगरहून शनिवारी शनिदर्शन घेता यावे, यासाठी ते मुद्दामहुन कारने आले होते. शनिदर्शन घेऊन मन प्रसन्न झाले असल्याचे यावेळी सांगितले. शिंगणापूर देवस्थान राज्यशासनाने ताब्यात घेण्याच्या निर्णयानंतर प्रथमच येथे भाजपच्या मोठया नेत्याच्या भेटीचा योग्य आला. जावडेकर यांनी यावेळी कोणतेही राजकीय भाष्य केले नाही. देवस्थानच्यावतीने विश्वस्त डॉ. रावसाहेब बानकर, प्रा. अप्पा शेटे यांनी केंद्रीयमंत्री जावडेकर यांचा सत्कार केला.