मेहेंदुरी परिसरात भुरट्या चोरांचा सूळसुळाट

मेहेंदूरी / प्रतिनिधी । 
अकोले तालुक्यातील मेहेंदुरी येथे भुरट्या चोर्‍यांना उधाण आले असून, आतापर्यंत दहा ते बारा ट्रॅक्टरच्या बॅटर्‍यांची चोरी झाली असून, मेहेंदुरीमधील बंगाळवस्ती परिसरातील भुरट्या चोरांनी एकाच रात्री दहा ते बारा ट्रॅक्टरच्या बॅटर्‍यांची चोरी करून, शेजारीच असलेल्या उंचखडक खुर्द गावातदेखील चोर्‍या केल्या.अंदाजे 10 ते 15 जण असल्याचा संशय नागरिकांना आहे. शेरणखेलपासून अगस्ती आगार या गावांमध्ये चोर्‍या केल्या. मेहेंदुरीचे चेअरमन अरुण फरगडे यांच्यासह सुरेश आरोटे, जालिंदर बंगाळ, सुधीर बंगाळ, विजय मोरे, प्रवीण आरोटे आदी ग्रामस्थांच्या बॅटरी चोरी झाल्याच्या पोलीस ठाण्यात तक्रार दाखल करून, पोलिसांनी या घटनेकडे लक्ष घालण्याची स्थानिक नागरिकांची मागणी आहे. यापुर्वीही इलेक्ट्रिक मोटारी व केबल चोरी करत असलेले चोर असावेत असे स्थानिक नागरिकांचा अंदाज असून पोलिसांनी या चोरांचा शोध घेण्याची मागणी मेहेंदुरी गावचे चेअरमन अरुण फरगडे, माजी सरपंच जनार्धन बंगाळ, ग्रा. पं सदस्य डॉ. अविनाश कानवडे, मारुती गायकवाड, सुरेश आरोटे, सुधीर बंगाळ आदी ग्रामस्थांनी केली आहे.