अस्तगाव येथे रविवारी गुणवंताचा सत्कार

पारनेर / प्रतिनिधी । 
तालुक्यातील अस्तगांव येथे बलुतेदार बहुउद्देशीय संघटनेकडून गुणवंत विद्यार्थी गौरव व गरजू विद्यार्थ्यांना शैक्षणिक साहीत्य वाटप कार्यक्रम रविवार दि. 1 जुलै रोजी सकाळी 11 वाजता अस्तगांव याठिकाणी आयोजित करण्यात आला आहे. या कार्यक्रमासाठी प्रमुख पाहुणे म्हणून प्रदेशाध्यक्ष, चर्मकार विकास संघाचे संजय खामकर, कैलास गाडीलकर, बहुजन क्रांती मोर्चाचे जिल्हाध्यक्ष राजेंद्र करंदीकर, सागर मैड, माजी पं. स. सदस्य शंकर नगरे, गणेश काळे, सुप्याचे उपसरपंच राजू शेख, समता परिषद जिल्हाध्यक्ष सुभाष लोंढे, आर.पी.आय तालुकाध्यक्ष अमित जाधव, ग्रा.पं. सदस्य कानिफ पोपळघट, युवक जिल्हाध्यक्ष सागर भिंगारदिवे आदी मान्यवरांच्या उपस्थितित संपन्न होणार आहे. पंचक्रोशीतील नागरिकांनी कार्यक्रमाला उपस्थित राहण्याचे आवाहन संयोजकांनी केले आहे.