बेशिस्त वाहन पार्किंगचा मनस्ताप

कोपरगाव शहर प्रतिनिधी
तहसिल प्रशासन आणि पोलिसांनी अवैध वाळू तस्करांविरोधात कारवाई करत जप्त केलेले वाळूचे डंपर आणि रस्ते अपघातात जप्त केलेले ट्रक, डंपर ही वाहने पोलीस ठाणे व नगरपालिकेकडे जाणाऱ्या रस्त्यांवर उभे करुन ठेवली आहेत. त्यामुळे नगरपालीका व ग्रामिण पोलीस ठाणेकडे जाणारा रस्ता अरूंद झाला आहे. परिणामी बऱ्याच वेळेला वाहतूक कोंडी होत आहे. पोलिसांच्या बेशिस्त वाहन पार्किंगमुळे नागरिकांना प्रचंड मनस्ताप होत आहे. 

या रस्त्यावर ही वाहने उभी केल्याने सरकारी दवाखान्याच्या वास्तूमध्ये सुरू असलेल्या नगरपालीका कार्यालय, ग्रामीण पोलीस ठाण्यात व दिवानी न्यायालयात चारचाकी वाहनातून ये-जा करत असलेल्या वाहनधारकांना कसरत करावी लागत आहे. त्यामुळे ही वाहने या रस्त्यावरून अन्यत्र मोकळ्या जागेत उभी करावी, अशी मागणी वाहनधारक करत आहेत.