गुजरातच्या छोटा उदयपूर जिल्ह्यात भरधाव टँकर व कारची समोरासमोर धडक झाल्याने बुधवारी सकाळी झालेल्या भीषण अपघातात २ कुटुंबातील ७ जण ठार झाले. मृतांमध्ये तीन चिमुकल्यांचा समावेश आहे. हे सर्व जण मध्य प्रदेशच्या धार जिल्ह्यातील रहिवासी होते. एका मुलाला उपचारासाठी वडोदरा येथील रुग्णालयात घेऊन जाताना हा अपघात झाला. विरुद्ध दिशेने येणाऱ्या भरधाव टँकरने कारला धडक दिल्यामुळे २ चिमुकल्यांसह ६ जण जागीच ठार झाले. घटनास्थळी दाखल झालेल्या ग्रामस्थांनी एका मुलाला उपचारासाठी रुग्णालयात दाखल केले. उपचारादरम्यान त्याचा मृत्यू झाला. घटनास्थळावरून फरार झालेल्या ट्रकचालकावर गुन्हा दाखल करण्यात आला आहे
