नवी दिल्ली ते विशाखापट्टणमदरम्यान धावणाऱ्या २२४१६ अप आंध्र प्रदेश एक्स्प्रेसच्या दोन बोग्यांना ग्वालेरच्या बिर्लानगर स्थानकाजवळ आग लागली. यात कोणतीही जीवित हानी झाली नाही. सकाळी पावणेबाराच्या सुमारास ग्वाल्हेरजवळील बिर्लानगर स्थानकाजवळ बी-६ व बी-७ बोग्यांना आग लागल्याचे दिसून आले, असे अधिकृत सूत्रांनी सांगितले. रेल्वेगाडीला त्वरित स्टार्टर सिग्नलजवळ थांबवण्यात आले. आगीमुळे आेव्हरहेड इलेक्ट्रिक वायरचे (आेएचई) नुकसान झाले आहे. आग विझवण्यासाठी त्वरित अग्निशमन दलाच्या ६ गाड्या आल्या. आग विझवल्यानंतर बी-५ बोगीपासून गाडी ग्वाल्हेर स्थानकावर आणली गेली.
