गांजा बाळगल्याप्रकरणी 2 महिला आरोपी निर्दोष.

सोलापूर, दि. 07, मे - बेकायदा 26 किलो गांजा बाळगल्याप्रकरणी दोन महिला आरोपींची विशेष सत्र न्यायाधीश यू. बी. हबीब यांनी निर्दोष मुक्तता केली आहे. 4 फेब्रुवारी 2017 रोजी महानगरपालिका निवडणुकीच्या अनुषंगाने नवीन हैदराबाद नाका येथे नाकाबंदी करण्यात आली होती. यावेळी वाहनांची तपासणी करताना एमएच 14 बीटी - 4374 या एसटीमध्ये पोलिस व पा लिका कर्मचारी-यांना दोन महिलांच्या आसनाखाली चार बॅगा ठेवल्याचे दिसून आल्या. 

त्यात 26 किलो 908 ग्रॅम गांजा, अंदाजे रक्कम 2 लाख 50 हजार रुपये आढळून आला होता. याप्रकरणी क विता बुकीया (वय 30) व कल्याणी झरपला (रा. मरपेंडा बंगला, तेलंगणा) यांच्याविरुद्ध गुन्हा नोंद होता. साक्षीत विसंगती आढळल्याने त्यांना निर्दोष सोडले. आरोपीतर्फे अ‍ॅड. यू. डी. जहागीरदार, अ‍ॅड. रियाज एन. शेख यांनी तर सरकारतर्फे अ‍ॅड. वामनराव कुलकर्णी यांनी काम पाहिले.