चिमुकल्यांच्या आशिर्वादात शक्ती : बजाज

कुटुंबासाठी खूप काही केले आता समाजासाठी काही करावे, या विचारांनी शाळांना मोफत फर्निचर वितरण करण्याचे कार्य हाती घेतले आहे. लहान मुलांच्या शिक्षण प्रक्रियेत येणारे अडथळे दूर करण्याचा हा प्रयत्न आहे. चिमुकल्या बालकांच्या आशिर्वादात मोठी शक्ती आहे, असे मत राशीनचे उद्योजक मेघराज बजाज यांनी व्यक्त केले.

कर्जत तालुक्यातील कोळवडी जिल्हा परिषदेच्या शाळेला फर्निचरचे वितरण करण्यात आले. या कार्यक्रमात ते बोलत होते. त्यांच्यावतीने शाळेला टेबल, कपाट, खुर्च्या, चप्पलस्टॅंड अशी भेट देण्यात आली. नेटकेवाडीसह दुधोडी, कोळवडी आदी शाळातही त्यांच्यावतीने फर्निचरचे वाटप करण्यात आले. आतापर्यंत पन्नासहून अधिक शाळांमध्ये त्यांनी लाखो रुपये किंमतीचे फर्निचर मोफत वितरित केलेले आहेत.

यावेळी कोळवडीत मुख्याध्यापिका किरण मुळे, आबा सूर्यवंशी, व्यवस्थापनचे अध्यक्ष संतोष कवडे, उपाध्यक्ष राहुल नवले, धनराज कवडे, अनिल क्षीरसागर, ग्रामपंचायत सदस्य धनराज कवडे, पांडुरंग कवडे आदींच्या उपस्थितीत कार्यक्रम झाला. वासुदेव फर्निचरच्यावतीने शाळांतील विद्यार्थ्यांना खाऊचे वाटप आले. नेटकेवाडी शाळेत मुख्याध्यापिका कुंदा झेंडे, शाळा व्यवस्थापन समितीच्या अध्यक्षा कजलीचंदा नेटके, उपाध्यक्षा लक्ष्मी भोसले, माजी सरपंच छाया सुनील शेलार, शिक्षिका शितल भोसले यांच्यावतीने सत्कार झाला. उपसरपंच राजश्री धांडे, बापुराव धांडे, अंबर भोसले आदी उपस्थित होते.