आंबेडकर जयंतीनिमित्त भव्य मोटार सायकल रॅली

संगमनेर : भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या जयंती उत्सवानिमित्त शनिवारी (दि.१४ ) सकाळी दहा वाजता आ. बाळासाहेब थोरात यांच्या ‘यशोधन’या संपर्क कार्यालयापासून भव्य मोटार सायकल रॅलीचे आयोजन करण्यात आले आहे, अशी माहिती जिल्हाध्यक्ष संतोष रोहम यांनी दिली. ते म्हणाले, संगमनेर तालुका काँग्रेस कमिटी मागासवर्गीय विभागाच्यावतीने आयोजित भारतरत्न डॉ.बाबासाहेब आंबेडकर यांच्या जयंतीनिमित्त काढण्यात येणाऱ्या या रॅलीप्रसंगी सिनेअभिनेते संतोष युवेकर, कमलाकर सातपुते हे उपस्थित राहणार आहेत. यावेळी माजीमंत्री बाळासाहेब थोरात, आ. डॉ. सुधीर तांबे, नगराध्यक्षा दुर्गा तांबे, थोरात कारखान्याचे संचालक इंद्रजित थोरात, सामाजिक कार्यकर्ते निवृत्ती भालेराव आदी उपस्थित राहणार आहेत. यावेळी नागरिकांनी मोठ्या संख्येने उपस्थित रहावे, असे आवाहन अध्यक्ष सुधाकर रोहम, प्रविण गायकवाड, राजू खरात, मंजाबापू साळवे, सुमित वाघमारे, सचिन खाडे, विजय खरात, सुनिल रुपवते आदींनी केले आहे.