दुचाकीस्वारास मारहाण करत 7 हजार रुपये लांबवले , 4 आरोपीविरुद्ध गुन्हा दाखल

श्रीरामपूर, रस्त्याने दुचाकीवरून जात असताना गाडी अडवून लाथाबुक्क्याने मारहाण करीत 7 हजार रुपये काढून नेल्याची घटना टिळकनगर रस्त्यावर कॅथॉलिक शाळेसमोर रात्री 11:30 च्या सुमारास घडली. हरी राजाराम वाघ ( वय 28) रा. जवाहरवाडी, एकलहरे हे टिळकनगर कडे जाणार्‍या रस्त्याने दुचाकीवरून जात असताना गाडी थांबवून त्यांना 4 जणांनी अडवून शिवीगाळ करत लाथाबुक्क्यांनी मारहाण केली. त्यांच्याकडील 7000 रुपये रोख रक्कम काढून घेतली. 

त्यांच्या मोटारसायकलची तोडफोड केली. त्यांच्यावर साखर कामगार रुग्णालयात उपचार चालू आहे . हरी रामदास वाघ यांनी शहर पोलीस स्टेशन मध्ये दिलेल्या फिर्यादीवरून आरोपी सागर गुंजेकर, रईस पठाण, किरण पवार, धीरज सरोदे यांच्या विरुद्ध भादवी 394, 427 प्रमाणे गुरनं 107/ 2018 प्रमाणे गुन्हा दखल करण्यात आला आहे.