उक्कडगावला घरफोडी

अहमदनगर : नगर तालुक्यातील उक्कडगाव येथे चोरटयांनी घरफोडी करून रोख रकमेसह १ लाख २० हजार रुपयांचे सोन्याचे दागिने लंपास केले. गेल्या आठवड्यात ही घटना घडली. याप्रकरणी अमोल चंद्रकांत उकिर्डे यांनी फिर्याद दिली. त्यानुसार नगर तालुका पोलीस ठाण्यात गुन्हा दाखल करण्यात आला. चोरटयांनी उकिर्डे यांच्या घराच्या पाठीमागील बाजूचा दरवाजा तोडून घरात प्रवेश केला. या घटनेचा अधिक तपास कॉन्स्टेबल एस. एम. खैरे हे करीत आहेत.