अध्यक्षस्थानी रियाज देशमुख यांची तर उपाध्यक्षपदी रहेमान ईनामदार
उर्स कमेटीच्या आयोजित बैठकीच्या अध्यक्षस्थानी वाय.बी.देशमुख हे होते. यावेळी रफिक ईनामदार, सचिन कोहकडे, कासम ईनामदार, इम्रान देशमुख, सिराज इनामदार, समीर पिरजादे, युसूफ इनामदार, राजू शेख, समीर पठाण, हिरामण शिंदे, रफीक शेख यांनी आपले मनोगत व्यक्त केले. मावळते अध्यक्ष सुलेमान पटेल, उपाध्यक्ष जाकीर पठाण यांचा कमेटीच्या सदस्यांनी सन्मान केला. सर्व धर्मियांना एकत्र ठेवत चांदशहावली बाबा यात्रोत्सव साजरा करण्याचा निर्णय बैठकीत घेण्यात आला. मागील वर्षात खर्च जमा सादर केल्यानंतर कार्यक्रमासाठी योगदान देणार्या सर्वांचे आभार व्यक्त करण्यात आले.
चांदशहावली उर्स कमेटीने संदल, कवाली व मिलाद पठणचे नियोजन करण्यात आले. याप्रसंगी मुस्लीम पंच कमेटीचे अध्यक्ष हबीब देशमुख, उपाध्यक्ष सलीम पटेल, मुज्जू पटेल, अहमद देशमुख, मुन्नाभाई शेख, बशिर पिरजादे, नफीस ईनामदार, शौकत ईनामदार, अमजद इनामदार आदींसह सर्व सदस्य उपस्थित होते.