शिवरायांचा आदर्श ठेऊन उपेक्षित घटकांसाठी युवकांनी काम करावे : मा. आ. गडाख

शहर प्रतिनिधी/- छत्रपती शिवाजी महाराजांनी हिंदवी स्वराज्य स्थापन करण्यासाठी सर्व जाती धर्मातील माणसे गोळा केली व स्वराज्याची मुहूर्तमेढ रोवली. त्यांच्या कार्याचा आदर्श घेऊन युवकांनी एकोपा ठेवावा असे आवाहन माजी आमदार शंकरराव गडाख यांनी केले. 

नेवासा येथील श्री खोलेश्वर गणपती मंदिर चौकामध्ये शंकरराव गडाख मित्र मंडळाच्या वतीने शिवजयंती साजरी करण्यात आली. यावेळी शंकरराव गडाख यांच्या हस्ते प्रतिमेस पुष्पहार घालून छत्रपती शिवरायांना मानवंदना देण्यात आली.

महेश मापारी यांनी उपस्थितांचे स्वागत करून प्रास्ताविक केले. अँड के.एच.वाखुरे यांनी मनोगत व्यक्त करून छत्रपती शिवरायांचे कार्य विषद केले. यावेळी नंदकुमार पाटील, लक्ष्मण जगताप, फारुकभाई आतार, संदीप बेहळे, अल्ताफ पठाण, रामभाऊ केंदळे, बाळासाहेब कोकणे, अनिल ताके, पोपट जीरे, अभिजित मापारी, विशाल सुरडे अनिल सोनवणे, सुनील जाधव, सुलेमान मणियार, जालिंधर गवळी यांच्यासह आदी उपस्थित होते.त्यानंतर गडाख यांनी मनसेच्या वतीने आयोजित शिवजयंती कार्यक्रमास भेट दिली. तेथे मनसेचे संतोष गव्हाणे, दिपक परदेशी, दादा देशमुख यांनी स्वागत केले. येथे आयोजित बक्षीस वितरण गडाख यांच्या हस्ते करण्यात आले.-