लाळ खूरकुत लसीकरणास भांबोर्‍यात प्रारंभ

कर्जत तालुक्यातील सिध्दटेक, भांबोरा, दुधोडी, बेर्डी, जलालपूर आदी गावामध्ये जिल्हा परिषदेच्या पशुवैद्यकिय विभागाकडून लाळ खूरकूत लसीकरण मोहिमेचा प्रारंभ झाला. प्रशासकिय पातळीवर लसीकरणास विलंब झाला असला तरी लसीकरणाचे महत्व लक्षात घेवून पशुपालकांकडून मोहीमेला चांगला प्रतिसाद मिळत आहे.
भांबोरा पशुवैद्यकिय दवाखान्यांतर्गत येणार्‍या अकरा गावांमध्ये सुमारे 8 हजार जनावरांना ही लस टोचली जाणार आहे. जनावरांना लाळ खूरकुतचा प्रादुर्भाव होवू नये यासाठी शासनामार्फत दरवर्षी ही मोहीम राबविली जाते. परिसरातील पशुपालकांनी जनावरांना ही लस टोचून घेण्याचे आवाहन डॉ. छत्रे यांनी केले आहे. लसीकरण मोहीमप्रसंगी सरपंच अशोक चव्हाण, मा. चेअरमन गणपत लोंढे, रावसाहेब लोंढे, काका जगताप, अरुण लोंढे आदी ग्रामस्थ उपस्थित होते.