ठाकरे-पवार भेटीने राजकीय चर्चेला उधाण

मुंबई : मनसेच्या आज होणार्‍या गुढीपाडवा मेळाव्यात अध्यक्ष राज ठाकरे आपल्या पक्षाची पुढील दिशा जाहीर करणार असतानाच शनिवारी मनसेचे अध्यक्ष राज ठाकरे यांनी राष्ट ्रवादीचे अध्यक्ष शरद पवार यांची त्यांच्या निवासस्थानी जावून भेट घेतल्याने या भेटीबद्दल राजकीय चर्चांना उधाण आले आहे. मनसेचे अध्यक्ष राज ठाकरे यांनी पुण्यातील एका क ार्यक्रमात राष्ट्रवादीचे अध्यक्ष शरद पवार यांची घेतलेली मुलाखत आणि यामुळे या दोन नेत्यांची झालेली जवळीक हा चर्चेचा विषय झाला होता.एकीकडे राष्ट्रवादीचे अध्यक्ष शरद पवार यांनी भाजप विरोधी पक्षांची मोट बांधण्याच्या हालचाली सुरू केल्या असतानाच,मनसेचे अध्यक्ष राज ठाकरे यांनी पवार यांच्या पेडर रोडवरील निवासस्थानी जावून पवार यांची भेट घेवून चर्चा केली.