टायर्सचे शोरुम फोडण्याचा चोरट्यांचा अयशस्वी प्रयत्न

नगर मनमाड महामार्गालगतच्या भरवर्दळीच्या ठिकाणी असलेले टायर्सचे शोरुम फोडण्याचा चोरट्यांनी अयशस्वी प्रयत्न केला. गुरुवारी {दि. २२} हा उघडकीस आला. यात सदर दुकानदाराचे संभाव्य नुकसान टळल्याचे पोलिसांनी सांगितले. 

राहुरीतील प्रशांत वाबळे यांचे दुकान काल {दि. २१} रात्री अज्ञात चोरट्यांनी फोडण्याचा प्रयत्न केला. दुकानाचे शटर्स लोखंडी हत्याराने तोडून शटर उचकटवण्याचा चोरटयांनी प्रयत्न केला. मात्र यात चोरट्यांना यश आले नाही. दुकानाच्या बाहेर लावण्यात आलेल्या सिसीटिव्ही कॅमेऱ्यात चोरट्यांचा संपूर्ण खेळ कैद झाला असल्याचे समोर आले. रात्री सव्वादोनच्या सुमारास चोरट्यांनी शोरुमच्या दोनपैकी एका गाळ्याचे कुलूप तोडून शटर उचकटवून आत प्रवेश केला. मात्र आतमधे चोरट्यांच्या हाती काहीच लागले नाही. सुदैवाने ज्या दुसऱ्या गाळ्यात लाखोंचा माल होता, त्याठिकाणचे कुलूप प्रयत्न करुनही चोरटे तोडू शकले नाहीत. दरम्यान, पोलिसांनी रात्रीच्या गस्त वाढवून चोरट्यांचा बंदोबस्त करण्याची मागणी नागरिकांमधून व व्यापाऱ्यांमधून होत आहे. घटनास्थळी राहुरीचे पोलिस उपनिरिक्षक सतिष शिरसाठ व पोलिसांनी भेट दिली.