नगरपालिकेकडून विकासकामांत दुजाभाव : भालेराव

श्रीरामपुर शहर प्रतिनिधी ;- शहरातील मोरगे वसती या भागात घाणीचे साम्राज्य पसरले आहे. विरोधी काँग्रेस नगरसेवक श्रीनिवास बिहाणी यांच्या प्रभागात स्व. जंयत ससाणे यांच्या काळात मंजूर असलेले रस्तेदेखील अनेक दिवसांपासून रखडलेले आहेत. नगरपालिकेकडून विकासकामे करतांना दुजाभाव केला जात आहे, असा आरोप कार्यकर्ते निलेश भालेराव यांनी केला आहे. 

ते म्हणाले, मोरगे वस्ती याठिकाणी चारी आहे. पंरतु या चारीमध्ये प्रचंड घाण साचली आहे. या भागातील कचरा रस्तावर पडलेला आहे. खराब रस्त्यामुळे या भागातील नागरिकांना मोठया प्रमाणात त्रास सहन करावा लागत आहे. या भागातील सार्वजनिक शौचालयाची दुरवस्था झाली आहे. परिणामी नागरिकांचे आरोग्य धोक्यात आले आहे. सत्ताधाऱ्यांनी विकासाचा दृष्टिकोन ठेवून निकोप राजकारण करावे. या भागातील मंजूर रस्ते तात्काळ दुरूस्त करावेत. अन्यथा भागातील नागरिक पुन्हा रस्त्यावर उतरतील.