लक्ष्मीबाईंनी रयत सेवकांमध्ये देव शोधला : काळे

कोपरगाव ता. प्रतिनिधी - माणसांमध्ये देव शोधण्याचे कठीण कार्य लक्ष्मीबाई भाऊराव पाटील यांनी केले. पती डॉ. कर्मवीर भाऊरावांच्या कार्यात देव व गुरु शोधण्याचे कार्य करून रयत सेवकांमध्ये देव शोधण्याचे मौलिक कार्य त्यांनी केले, असे भावनोद्गार माजी प्राचार्य व ऑडिटर विश्वासराव काळे यांनी व्यक्त केले. 

येथील सद्गुरू गंगागिर महाराज सायन्स, गौतम आर्टस आणि संजीवनी कॉमर्स कॉलेजमध्ये आयोजित लक्ष्मीबाई भाऊराव पाटील यांच्या पुण्यस्मरण समारंभात बोलत होते. अध्यक्षस्थानी प्राचार्य डॉ. के. पी. काकडे होते. याप्रसंगी उपप्राचार्य नानासाहेब देवकर, डॉ. भाऊसाहेब निघोट, डॉ. बाबुराव कांदळकर प्रा. संजय शेटे शिक्षक, शिक्षकेतर सेवक मोठ्या संख्येने उपस्थित होते. प्रारंभी सांस्कृतिक विभागप्रमुख प्रा. गणेश विधाटे यांनी प्रास्ताविक केले. सूत्रसंचालन प्रा. चित्रा करडे यांनी केले. डॉ. राजाराम कानडे यांनी आभार मानले.