गुजरातमध्ये अपघातात 28 जणांचा मृत्यू

भावनगर : गुजरातमधील भावनगर येथील महामार्गावर ट्रक घसरुन नाल्यात पडला. या भीषण अपघातात 28 जणांचा मृत्यू झाला तर 30 जण जखमी झाले आहेत मंगळवारी सक ाळी बोताड जिल्ह्यातील रंघोलाजवळ पूल ओलांडत असताना हा अपघात झाला. या ट्रकमध्ये लग्नाचे वर्‍हाड होते. धक्कादायक म्हणजे या ट्रकमध्ये तब्बल 70 वर्‍हाडी होते. लग्नासाठी हे वर्‍हाड निघाले होते. त्यावेळी मंगळवारी पहाटे भावनगर-राजकोट महामार्गावर रनघोलाजवळ ही दुर्घटना घडली. चालकाचा ताबा सुटल्याने ट्रक थेट नाल्यात क ोसळला. या भीषण दुर्घटनेत 25 जणांनी जागीच प्राण गमावले. या अपघातात जखमी झालेल्यांना जवळच्या रुग्णालयात दाखल करण्यात आले आहे. चालकाला डुलकी लागल्याने, त्याने ट्रकवरील नियंत्रण गमावल्याचे सांगण्यात येत आहे. दरम्यान, मृतांमध्ये अनेक महिला आणि मुलांचाही समावेश आहे. तसेच अनेक जखमींची स्थितीही चिंताजनक असल्याने मृतांचा आकडा वाढण्याची भिती आहे. सध्या घटनास्थळी मोठ्या प्रमाणात बचावकार्य सुरु होते.