जडीबूटी औषधे विकणारी तरुणी बेपत्ता

शिर्डी शहरालगत असलेल्या सावळीविहीर फाटा येथे रस्त्याच्या कडेला जडीबूटी औषधे विकून गुजराण करणारी १८ वर्षीय मुलगी बेपत्ता झाली आहे. याप्रकरणी तिचे वडील रामगोपाल रणजित चितोरिया {वय ६५} यांनी शिर्डी पोलिसांत तक्रार दिली. त्यांची दि. २४ फेब्रुवारी रोजी रात्री ७ वाजेच्या सुमारास किराणा घेण्यासाठी गेली. ती घरी परत न आल्याने व २ दिवस शोधाशोध केली. मात्र मिळून न आल्याने त्यांनी मुलगी बेपत्ता असल्याची तक्रार दिली. अधिक तपास शिर्डी पोलीस करीत आहे.